Nadzoman Abah Umar

SYAHADAT SEBAGAI CITA DAN FAKTA

Dawu Gusti sampun wekas sampun Weleh

Duwe kuping aja budeg gage eling

Sopa Wange nemu guru sifat papat

Gandulana ingkang kuat ajar lepat

Ingkang dingin sipatipun muayadin

Kapindone ingkang welas fakir miskin

Kaping telu iku sifate jahidin

Kaping pate ingkang welas ning wong mu’min

Sebab luntur ning syahadat masih bodoh

Maring guru ayo anut ayo nyelondo

Dulur kabeh ayu gage ngemat syahadat

Aja dumeh sira bisa ning syahadat

Ning syahadat wong iku ora marek

Tetep sira ning guri ana kang nekek

Anjingna syahadat loro maring ati

Akal eling maring Allah manfaati

Syahadat loro pokok dasar kepinteran

Sira ngaji ning syahadat eling pangeran

Sebab syahadat kita bisa ngadohi cegah

Kita ngatur maring anak nurut perintah

Eling Allah kang kumantil

Demen rosul ayu ngintil

Aja kalah karo isine pendil

Kapan bu kapan digotong katil

Eling Allah kang sempurna

Bisa ora b isa akalana

Hayu batur luru selamet bebarengan

Jaluk sugih dunia akherat kesenengan

Alhasan tsummal husein

Nagji syahadat aja leren

Duha tahajjud dilakoni

Hasan husein kang nyakseni

Alhasan tsummal husein

Langgemana yen kepengen

Sesepana islam sejati

Eling Allah kang ning ati

Ngaku bisa ning syahadat

Takabur kang luwih berat

Berate ya ngaku bisa

Gusti Allah bakal nyiksa

Siksane ka sia- sia

Bonggan sira nyingkur wong mulya

Aja sambat ka niyaya

Musuh ira bakal teka

Kang kandel- kandel kulite

Kang akas- akas balunge

Kang tegas penjawabane

Diganden mangsa wurunga

Gusti sinuhun ngawuri sorban

Ngiteri masjid minangka urang

Dipun beber Nyai Mas Ayu

Gandasari saking dermayu

Aduh gusti sae temen

Sorban niki kangge sinten

Jawab gusti sorban niki

Kangge umat kanjeng nabi

Turunane ibu Hawa Bapak Adam

Gelem netepi peraturan iman islam

Gage wudhu tandang sholat rong rokaat

Gawe gedong ning suarga ni’mat rohmat

Gedong suarga batang emas perak selaka

Lulur kasturi ambar ja’paron kanggo dika

Siapa wonge pengen sugih dunia akherat

Awan kasab bengine kanggo munajat

Mugi Allah ngempura ing dosa kula

Lan dosane tiang sepuh kalih kula

Lan dosane poro santri guru kula

Lan dosane tiang islam sedaya

Umat kanjeng nabi larang regane

Umat kanjeng nabi syekhunal mukarrom gandulane

Umat kanjeng nabi larang regane

Umat kanjeng nabi syahadat loro kawitane

Umat kanjeng nabi larang regane

Umat kanjeng nabi sholawat tunjina wiridane

Umat kanjeng nabi larang regane

Umat kanjeng nabi dhukha tahajjud kelakuane

Umat kanjeng nabi larang regane

Umat kanjeng nabi sorban jubah pakeane

Umat kanjeng nabi larang regane

Umat kanjeng nabi tawasulan kesenengane

Umat kanjeng nabi larang regane

Umat kanjeng nabi eling Alloh ning atine

Umat kanjeng nabi larang regane

Umat kanjeng nabi ning suarga panggonane

Bersenana ati kang banget kotore

Toma hasud ujub ria takabure

Kang berseni ati iku ya syeikhuna

Sejenan langka ning adepan tetep ana

Alkhamdulillah angsal fadhole pengeran

Allah paring rohmat salam kanugerahan

Alkhamdulillah dadi muride syeikhuna

Kang percaya tambah mulya ora hina

Alkhamdulillah dadi ‘ibadissolikhin

Lanang wadon ngaji syahadat aja isin

Sira bodoh ning syahadat fakir ngerancang

Awak tua fikir kendo nafsu gerang

Ahli neraka njaluk adan banpet celaka

Den udani watu geni endas dika

Pengen nginum banyu timah

Gulu lok lok rai gesaeng terus kelumer

Ahli neraka sambat – sambat njaluk pendonga

Ayu kacung luru syahadat gageh lunga

Untung temen anak isun luru ilmu

Kita donga ganjarane bisa nemu

Syahadat loro awan bengi dieling-eling

Aja kongsi sira mati ora eling

Umat zaman akhir kabeh bae pada tuna

Yen wong tuna gageh gandul ning syeikhuna

Umat zaman akhir kabeh bae pada rugi

Yen wong rugi gage nggandul ning syekh hadi

Amin amin ya Allah robbal ‘alamin

Nuhun di qobul do’a kula tiang miskin

Amin amin ya Allah robbal ‘alamin

Mugi selamet sedayane tiang mu’min

Amin amin ya Allah robbul ‘alamin

Nuhun kegolong golongane tiang mu’min

Setan gunung serandil bubar pada mangkat

Dugi ning umate wong tinggal syahadat

Dugi ning umate wong tinggal sholat

Dugi ning umate wong tinggal zakat

Setan ngamuk jukut kabeh ning barange

Wis entok barang sira kari ning wonge

Wong pada lari sampae pada mati

Bukti syahadat wali gunung jati

Iki nadhom  nutur syahadat sejati

Syahadat kang weton saking gunung jati

Syahadatipun gusti syarif hidayatullah

Ingkang ngelakoni kabe waliyullah

Sampun ngelakoni kabe wali sanga

Kula syahadate cuan lunga – lunga

BAB I

SYAHADAT

( KAMIS 4 ROMADHON 1373 H / 1953 )

Awas syaiton godane sedalan – dalan

Syeiton ngincer ning wong kang eling pangeran

Ora wedi ning maca donga qur’an

Syeiton wedi ning wong kang eling pangeran

Sira awak arep sapa ingkang eman

Sebab nyata Alloh paring asih loman

Aja nutup lamon batur banget hajat

Sira nulung marisaken munggah syahadat

Kang ditulung muji syukur alkhamdulillah

Sira bisa nulung muji Allah – allah

Nyata aman loman iman ning atine

Gelaraken agama ana buktine

Iku nyata aran islam kang sejati

Jalanaken ilmu sampe mati

Ora eling sesek kubur ya musaka

Aja tinggal awan bengi maca syahadat

Aja mang syeikhuna wakil syahadat

Nutugaken wulangane ilmu syahadat

Aja ucul syeikhuna kanggo gandulan

Nyata pisan nuntun eling ning pangeran

Wong kang sholat ora manut ning utusan

Bagen wekel tetep dadi saterune pangeran

Yen diajak ayu gage pada sinahu

Mesti melengos tetep ora bakal melu

Peng rasane wis sugih pangaweruh

Nagaku pinter ngaku bener nyatane keliru

Aja buru- buru yen sholat durung wudhu

Aja buru – buru takbir yen masih ngaku

Kita urip mati kabeh pasrane

Ayu matur Allah rasul ning syeikhuna

Kaya pasrane wong mati maring lebe

Didusi turon meneng bae

Manuk dikurung ora mikiri maring pangan

Muni ayem dohir batin enak ning badan

Kaya bocah cilik njaluk bari nangis

Terus nyebut asma Allah aja uwis- uwis

Ngeling- ngeling Allah rosul aja di campur

Eling Allah tingkah badan manut rosul

Pasra haken kabe badane ning gurune

Pasra haken atine ning panngerane

Sare’ate hakekat torekot ma’rifat

Sempurnane kalimah buka syahadat

Ngersa aken obah meneng yaa hakekat

Manjing metu ambekane kelawan syahadat

Ngadekaken limang waktu yaa sare’ate

Aja pegot eling Allah yaa tobate

Embok bapa lan guru iku yaa torekot

Mulya aken kang nuntun dunia akherat

Weruhana kang dadi keridhoane

Embok bapa lan guru sira baktine

Ana panganan enak sirane tapa

Aturaken ning embok lan bapa

Bisa subur lan makmur iku dalane

Sira ngelanggar gampang pisan cilakane

Welasa asih iku dadi dasare ma’rifat

Banget benci kaya korun kang kiyanat

Ngaweruhi ning batur kang lagi susah

Aja kongsi dijaluk gagian nyerah

Bagja temen untung temen ikhlas atine

Gawe amal bisa kabeh ngelakonane

Sebab guru sira bisa tabarukan

Gelem ngaji ning syahadat penghabisan

Wong kang ikhlas atine dadi obore

Madangaken ning dunya lan kubure

Bukah syahadat yakin pisan ning berate

Bisa buka den trima sira tobate

Anak lanang pertandane duwe  iman

Manut miturut ning wong tua banget eman

Ora ikhlas gawe amal Buru-Buru

Yaa bosenan pahaite kaya emperu

Aran ma’siat luruh guru   ya liane

Ning syahadat penghabisan wulangane

Syahadat tauhid bebarengan sifat kudrot

Dadi isine batur kabeh aja wangot

Kerasa –rasa kang rumasa kang ati-ati

Ya pancene eling alloh jero ati

Ngadeg dodok turon meneng kang ngobahaken

Gusti Alloh awan bengi kang jalanaken

Rasa  terus obah meneng sekabehe

Yen kerasa urip dunya prihatin bae

Aja tuli lali budeg duwe kuping

Sirik dengki ilmu ora bakal manjing

Duwe badan ayu batur diberisi

Eling alloh mesti bakal diwelasi

Kang  beresi ning badan dituruti

Insya alloh tutung seneng sampai mati

Krasa beli mata kita ning rusake

Yen deleng dunya banget seneng ning awake

Tapi deleng ning wong ngaji pada  ngantuk

Sebab nyata atine ngamprak raine deluk

Yen elinga ati ira ora mumbul

Melarat sugih ora niat luru unggul

Iku nafsu durung tauhid ma’rifat islam

Bagen ngaji qur’an hadis wis khatam

Tapi kudu masrahaken ning rosule

Kang miturut cuan pengot sira ngganduli

Sebab syahadat ilmune dadi manfaat

Nyelametaken awit dunya sampai akherat

Syahadat iku benderane kabeh badan

Kang syahadat tanda mong dijagal syetan

Yaa mendeka ora ucul syahadate

Yen ucula ning syahadat banget lecute

Ngaku bisa ning syahadat bisa apane

Dhohir batin ora nana kebagusane

Kiyai santri ngakune bisa syahadat

Tapi bukti senenge laku maksiat

Dadi lacut ora ngandel enem perkara

Ning pengebang ora ngejer lara wora

Ning pengancam ora wedi ora gemeter

Ngadiraken mulang kitab luwih pinter

Ning perentahan wajib sunnah nyepeleaken

Weru Sunni during adat mong jalanaken

Ning cegahan haram riba kiyeng nerima

Iku nafsu bagen pinter dalil ana

Kiyang nafsu mangan wereng emong molah

Padu kasil senajan nerajang salah

Gusti alloh wis janjine ning makhluke

Gawe bagus diwales bagus ya awake

Aja nolak batur banget butuh

Sira nulung marisaken imane teguh

Ayu nyambat maring nabi para wali

Lan malaikat nuhun diraksa dateng robbi

Ayu nyambat maring nabi lan malaikat

Lan ning wali tingkat gelar ning syahadat

Sebab nyata awak kula masih bodoh

Ngaji bisa nafsune masih ning anggo

Duweh badan ora gelem muji syukur

Lati atine saben dina lan tafakur

Masih kurang ngudeg –ngudeg dunia ira

Ning sembahyang saben dina larawora

Lanang wadon gede cilik kon balapan

Singkarana murtad haram kemusyrikan

Ayu batur elingana melebuh kubur

Yen wis melebu sira iku bakal ibur

Siji roh ijroil teka mesti gugur

Kubur iku werna pitu ingkang ibur

Kapandone banda dunya emas picis

Ahli waris iku kabeh ingkang manis

Ping telune rabi ayu digawa uwong

Sebab nyata pikir kita kewang kewong

Kaping pate daginge di waris uler

Sebab nyata urip kita banget keder

Ping limane balunge di waris rayap

Sebab nyata urip kita banget delap

Ping neneme amal ira bakal kabur

Gelem amal tekad ira ya takabur

Ayu batur kita iku pasang weteng

Senyatane kiyaine dikon dongeng

Kaping pitu iblis teka waris iman

Sebab sira ngaji syahadat ora temenan

Iki nadom nuturaken wadahe syahadat

Sholat dhukha sholat tahajud umur pundat

Maca tunjina ba’da subuh nganti dhukha

Patang puluh bengi tahajud awan dhukha

Iki nadom nuturaken iman pada syahadat

Patang puluh awan bengi aja telat

Ba’da dhukha maca ya fatah ila rokhimi

Ba’da tahajud maca yakafi ila mugehni

Iki nadlom nuturakan bukahe syahadat

Patang puluh awan bengi kango munajat

Maca ina fatahna lakafatkham mubina

Terus bahe neja lian ora kena

Ati selamet pikir jujur eling alloh

Pengen mulya gage manut rosululloh

Bocah santri ingkang awas lan waspada

Zaman akhir ake syetan pada goda

Santri akeh maring sholat pada kelalen

Sebab nyata ning syahadat oro open

Nadom ingkang paham sing mengerti

Yen pahama sira urip ana bukti

Gelaraken syahadat loro pengen subur

Sira urip aja pada ngelarani batur

Batur ngelarani kudu sabar awak irane

Syahadat manjing meski akeh sira sabare

Guru mulang syahadat loro gage iman

Pengen selamet dunya akherat kudu loman

Syahadat tauhid iku LAA IlAHAILLAH

Syahadat rosul muhammaddarrosullah

Syahadat dhohir jasad ora kenang roh

Roh obah kelawan izine Allah

Syahadat bathin ora suara ora huruf

Ambekan metu eling Allah cuan korup

Syahadat tampa asyhadu iku ngelakonane

Ning fardhu lan sunnah kanjeng nabine

Syahadat sejati iku ingkang manjing ati

Eling Allah rosulullah manfaati

Ping pitune syahadat sejatine syahadat

Ilmune Allah kang duweni ilmu kodrat

Wong kang nyingkur ayat qur’an

Tetep mati dadi syetan

Pengen dadi umat rosul

Gawea bagus aja ucul

Langgeng ngaji lan berjama’ah

Aja seneng sembahyang ning umah

Gawe amal gage cawis

Aja gelem dituntun Iblis

Durung subuh gage tangiya

Ati mati kesia – sia

Aja jaluk kodrat irodat

Jaluka ridho lan syafa’at

Ma’nane syahadat wonten sekawan

Kudu ngerti karena bakal kanggo gawan

Anta lama yenta ngaweruhi sira

Wata’takida lan nekadaken sira

Watu’ mina yenta ngimanaken sira

Watu’ soddik lan beneraken sira

Sarate syahadat yaiku wonten gangsal

Supaya dipun aji sampe apal

Siji kudu gelem sekabehe hurufe

Lan bener dawa cindak kandel tipise

Lan kapindone kudu aja kepisah

Antarane syahadat loro lngkang pisah

Omong liyan atau meneng suwene

Telu kudu tertib syahadat lorone

Kaping pate kudu metukaken ati

Maring ucapane cangkem ingkang titih

Kaping lima kudu barengaken ati

Maring ucapane ati ingkang ngerti

Waktu dunia dikon milih werna loro

Barang hak barang batal syahadat loro

Eling Allah yaiku hake manusia

Dadi dosa pikir musyrik ora kerasa

Awal awale tobat iku syahadat loro

Terus diwaca bersihaken jaba jero

Wong kang milih barang batal yakin rusake

Dunya akherat nyilakane ning awake

Lanang wadon aja tinggal ning baktine

Wadon solekha nyata iku ya arane

Wadon pengen manunat ning lakine

Ngati – ngati wadon bakti ning lakine

Anak wadon melasa ning embok bapa

Wadon nyingkur laki blolih apa-apa

Syeikhuna mulang murid kang terima – terima

Ayu bebalik ngeluhuraken ning agama

Aja gumede ngaku gagah banget sombong

Nyata pisan uripe ira iku kosong

Sombong mangan nyandang sira ora halal

Mangan haram riba najis weteng dajjal

( sabtu 1 robiul akhir 1375 / 1955 )

alhasan tsummal husain ngibaraken syahadataen

ajaran suci didikan tinggi tindakan Iblis harus dibenci

harus tegak pembelaan lenyapkanlah pengaruh syetan

basmi nafsu harus dianjur badan berkerak pikir yang jujur

Ini zaman – zaman pelajar masih bodoh harus diajar

Nurut perintah sama rosule segala detik ingat tuhane

Hati diajar terus dibangun jangan sampai pikir melamun

Hati lupa Iblis masuk pikir dendam kerjaan busuk

Arti syahadat

( 1375/ 1955 )

Iki nadhom nutur arti syahadat

Cangkem ngucap maring ati ingkang kuat

Nami ngandel iku kabeh den lakoni

Sedayane perintah cegah den tebihi

Iki nadhom nutur syarate syahadat

Poma – poma weruhana ana papat

Ingkang dingin nuli – nuli wewacane

Kapindone kedah tertib aturane

Ping telune kedah Arab awangane

Kaping pate kedah ngerti ing ma’nane

Ayu batur bareng – bareng ngaji syahadat

Perlu kanggo sangu ning akherat

Sapa wonge mati ora gawa syahadat

Dipun hukum selawase ning akherat

Ora bakal bisa metu sing neraka

Saban dina tambah – tambah siksa teka

Ning neraka sembah jaluk mentas

Udan watu pada niba maring endas

Wong ning neraka gembar gembor jaluk tulung

Udan wangwa gedene segunung – gunung

2. Manfaat syahadat

( 2 – sa’ban – 1375 )

Aurad syahadat kanggo batur

Balik sing dunya marani kubur

Amal sing ngintil ‘amal takabur

Manjing ning kubur bakal diancur

Syahadat iku keterangan akherat

Sing ora duwe ora oli lewat

Penjaga akherat yaiku malaikat

Aulihe jagat ya luwih ketat

Syahadat iku dadi obor

Ngobori awak yaa gelem asor

Obore mati terus ngaku luhur

Penggawe syaiton ngajak takabur

Ayu maju ayu jalan aja mandeg ning tengah dalan

Aurade syahadat ya banget terang aja mandeg ana kang ngadang

Maca aurad ba’da sholat aja isin ana wong liwat

Maca muhaimin kang temenan aja blenak ana kang nyawang

Maca muhaimin ngadeg kang temenan aja isin umah ning dalan

Maca muhaimin ya ngangkat tangan saben lagi madep pangeran

Allah ningali ya ora telat sing ditinggali pada khianat

Dupai akal pada khianat sebab khianat atine bejad

Kadang kala pada mulang mung luru barang

Bagen salah asal kitane blending

Uripe kula aja ketunggul

Ketungkul mulang mung luru unggul

Sabandina ngumuri suda

Kadang mulang mung luru sega

Saban dina mulange betul

Olihe mulang mung luru sekul

Bisa mulang prangsane garang

Ngaku kiyai isun beli mang – mang

Eman temen kitabe pirang – pirang

Teka aurad syahadat ya pada nimbang

Elinga batur kita ning dunya

Pada elinga gage sedia

Jalan akherat pirang – pirang rintangan

Ayu nggandul ning syahadat gegandengan

Sebab waktune wis akhir zaman

Sing ora gelem syahadat bature syaitan

Maju mundure pertingkahe

Tingkah kang ala calon jahaname

Urip ning dunya aja kongsi tuna

Yen ora eling nemu sengsara

Sengsara dunya ora sepira

Sengsara akherat manjing neraka

Eling batur zaman berganti

Sing pada titen syahadat iki

Awal syahadat sing gelar kanjeng nabi

Akhire syahadat sing gelar syekh hadi

Awale Abu jahal musuhe kanjeng nabi

Akhire syehk hadi sing musuh kyai

Pada gelem nacad ning sunnah nabi

Rupane santri turrupa kiyai

( 2 SA’BAN 1375 H / 1955 )

Ya muhaimin ya salam nuhun rokhmat serta salam

Ing kanjeng nabi serta kholifah Ali nabi siti khodijah

Tiang mu’min kudu sabar, bok munawa sadone bubar

Sholat tahajjud kudu dianggit, aja wedi matane arip

Awan bengi kiyeng munajat, eling Allah aja keliwat

Wis waktune sholat rikat, nuhun – nuhun ning syafa’at

Dulur hai dulur gagian akur

Pemerintah kita sampun mengatur

Pancasila sampun diawur

Dikongkon ngaji supaya akur

Presiden kita kang jeneng kuwu cerbon

Menembak belanda serta nipon

Asma awal kang jeneng walang sungsang

Maca syahadat lan sholate aja utang

Nurute nafsu pekaya kang diwirang

Bukti tingkah saking pangeran

Saban dina kanggo sembahyang

Sholat kula ora eling ning pangeran

Iki zaman dewa kresi, Allah rosul ning umate melasi

Ayu batur syahadat loro kita ungsi, iki syahadat ilmu siji

Tinggalane para wali, pimpinane gusti syarif gunung jati

Sama rata sama rasa, kabeh makhluk dikon ngerasa

Kabeh makhluk gaweane gusti Allah

Kula kabeh kudu mengeran maring Allah

Ora nana badane nusa dan bangsa

Tapi ning syahadat ora pada kersa

Tingkah kula saking Allah

Ati kula ora gelem nyebut Allah

Iku tanda rusak ati kulane

Tanda rusak iman kulane

Sebab ati kula nginjen – nginjen dunyane

Ora ngijen – nginjen ning pangerane

Aduh awak blai temen

Iblis nyolong iman kula pinter temen

( Malam senin tgl 2 Sa’ban 1375 H / 1955 M )

Kerasa awan bengine iman kula iku lungane

Tanda goflah ning atine karo Allah langkah elinge

Sampun terang ngulangane syarif hidayat

Den kelilingi kabeh murid saben tempat

Nangekaken pikiran gage dianggit

Cangkem muji ati eling aja medit

Teka ira aja ngalih sing atine

Eling Allah rosul nyata ana imane

Tekad ngalih enak blenak ora lawas

Emong eling Allah rosul nemu tiwas

Kita mulang wis oli patang sura

Tapi sirane sing diwulang lara wora

Aja dikolah koleh sira njabane bae

Elingane Allah rosul lan sunnahe

Sira ngibadah aja nurut ning nafsune

Ora nana perintah rosul kelakuane

Kabeh perintah Allah iku luwih bener

Ayu manut rosulullah ingkang pinter

Hai wong mu’min sira urip kang kuatir

Yen ngibadah atine aja plesir

Waktu lima wajib ngeraksa ing waktune

Wedi ora diaku umat gustine

Tuturana awak kula awan bengi

Kita aja gawe ala pada lali

Gusti syarif hidayat nggelar syahadat

Melas ning umat aja pada laku khianat

Kon dedonga awan bengi aja keliwat

Mugi Allah buka ati ning ma’rifat

Muhaiminan saban bengi saben dina                                                            

Dateng gusti kanjeng nabi yamaulana

Umat muhammad diparingi nur loro

Supaya aja melarati peteng loro

Nur loro Nur romadhon Nur Al Qur’an

Peteng loro dina kiamat lan kuburan

Allah Allah ya Allah gusti pangeran

Nuhun kula cangkem ngucap ati jalan

Awas batur iki zaman ake srandil

Ayu batur gandulana santri kamil

Santri kamil pengucape ora goro                                                                                     

Santri kamil ilmune syahadat loro

Senengane wangi – wangi jubah putih

Santri kamil santrine ki sunan jati

(Malam Selasa tgl 5 jumadil Akhir 1375 H / 1955 M )

(Malam Selasa tgl 5 jumadil Akhir 1375 H / 1955 M )

Sapa wonge pengen padang mata atine

Aja kedinginan fajar sira tangine

Zaman patang puluh bengi nuli – nuli

Pengen eling Allah rosul den gandule

Yen kedinginan kita lekas balik maning

Ngantem tahajjud supaya atine bening

Aja mang – mang guru iku go gandulane

Ngaji syahadat dalan eling ning pangeran

Ayu santri ajarana ning tasawuf

Badan nurut ati eling cuwan korup

Ati eling Allah rosul rukhe islam

Badan nurut perintah rosul pikir islam

Iku tanda sira iku wong kang demen

Eling Allah nuhun fadhol nemen – nemen

Eling Allah awan bengi esuk sore

Ayu batur bareng – bareng eling kubure

Jaga sesek luwih peteng

Aja ketipu isine weteng

Lanang wadon ingkang tandang

Manut rosul ingkang gandang

Elingana kubur makhsyare

Salah jawabe bangete kere

Madep landrat maksa salah

Bloli syafa’at dadi ngelemah

Manjing neraka bloli mentas

Terang disiksa bangete lawas

Awas anak Rabi sedulur

Sira urip ingkang akur

Lanang wadon berayan bakti

Elingana bakale mati

Ayu dipikir sampe terang

Siksa kubur ya digarang

Kubur jeblos lampung kiwene

Mayit keserempet ning genine

HABLUMMINALLAH

2.1.    Aturan agama

Iki nadhom nutur aturan agama

Kedah ngerti kedah faham ning agama

Ingkang nami agama aturane gusti

Maksud selamat gesangipun sampai mati

Rukunipun agama tiga kabehane

Lanang wadon kudu ngerti sedayane

Ingkang dingin rukunipun islam

Wajib nurut dateng qur’an faham

Nami islam iku nurut dateng qur’an

Aja mang – mang iku dawuhe pangeran

Nami islam manut miturut badane

Dateng perentahe Allah rosul sedayane

Kapindo rukun iku iman

Nami iman ngandel dawuhipun pangeran

Ping telu rukunipun iku ikhsan

Wong ibadah wajib ningali pangeran

Namun ora bisa wajib nekadaken

Setuhune gusti ningalaken

Anta’ budullah kaanaka taroohu

In lan lam takun taroohu fainnahu yarooka

2.2.    Banyu wudhu

Nuceni sholat grenjet ati kawitane

Den barengaken sira ngucap ning lisane

Nyibuk banyu ngonyuceni ing badane

Eling Allah rosul nyuceni dosane

Waktu wudlu ngucap syahadat loro

Saben – saben basu anggota wudlune

Tanda syukur wudlu iku adane loro

Banyu nyuceni eling Allah syahadat loro

Saban – saban basuh anggota wudlu

Maca syahadat pawitane paling perlu

Bekas wudlu bayune nuli dicecep

Tangan nyadong hudan rohmat ya rumesep

Sira santri kepengen oli hudan

Allah nuruni saking langit banyu hudan

Kabeh wijil kang ning bumi terus cukul

Kita deleng maring langit lagi gandul

Terus mandu nuhun – nuhun hudan rokhmat

Oli pituduh terus seneng dunya akherat

Terus donga sira maca ning syahadat

yen wis rampung terus tangane didilat

Terus maca surat inna anzalnaahu

yaa sholate sukrul wudhu yaasinawu

Rokaat awal walau annahum ya surate

Kapindone wamayya’mal suan sepragate

Ayu santri yen kepengen munggah syahadat

Kasab sira kang nejegi ing sare’at

Langgengane sira maca inna anzalnaahu

Allah maringi kasab sholat lan sinau

Kaping telu ba’da wudlu sira ma’nane

Mapasaken ing nafsu kang banget alane

Sira olih netegi kang luwar biyasa

Ibada ngaji sira kang bisa

2.3 . Solat Sukrul wudlu

Weruhana zamane wis karen-karen

Berjamah ngaji sholat ajar liren

Ya buntelan awak sedurunge mati

Nganggo jubah sorban rido ingkang puti

Ayu santri ruku’sujud depe-depe

Eling alloh waktu sujud ingkang suwe

Awal-awal wong kang  tobat den terimane

Nekani ning kanjeng nabi ya zamane

Awal-awal wong kang tobat den terimane

Nekani syarif hidayat iku zamane

Awal-awal wong kang tobat den terimane

Nekani guru kang mursid iku ilmune

Alhasan sumal Husen

Putune sayidina Hasan-Husen

Linabi kurotu’ ain

Sifate Nabi imane ketulen-tulen

Nuruhum kalkumaren

Gusti nabi imane ketulen-tulen

Jadduhum  solu’alaih

Cahayane ngungguli srengenge

Sayidina Hasan Husen putune rosul

Seturunane  turunane rosul

Kula tingal mu’min samiya nggandul

Ingkang teguh sampun ngentas ucul

Kados napa lamun kula ucul

Gegandulan kalih putune rosul

Dateng maksar boten saged nyusul

Ning suwarga  boten saged kembul

Ayu batur pada tawasul

Tawasul kula dateng para rosul

Mugi alloh kersa ngabul

Yen den kobul pasti ngabul

Awal-awale wong ibadah kang diterima

Suci atine ngelarakaken ning agama

Nyegah nafsu  raksaen amarah

Sing kuwatir cuwan lali waktu najah

Ayu ngupai niat sira lamun duwe

Ana buktine sira pada nyambut gawe

Mekaya setahun ora nana tampele

Rabi nyewot anak nangis bari mengkele

Ayu sabar anak rabi lan sebatur

Bakal balik kita melebu jero kubur

Waktu meneng ora nana ma’rifate

Ora bisa muni sira syahadate

Gage ditarik peningal mata atine

Kanjeng nabi yakin ana ning arepane

Kanjeng nabi rupa abang semu putih

Yen kebuka mata atine manfa’ati

Ayu santri yen kepengen ingkang kersa

Lakonana limang dina ya puasa

2.4 Puasa ngasrep

Waktu buka mangan boled aja rubah

Luwih utama mangan sega ya di kumbah

Genang wadah ayu gage pada tobat

Sebab kula saban dina laku ma’siat

Gage tobat mumpung lawang lagi dibuka

Yen wis ditutup awak kula sing celaka

Yen wis tutup dunya sira ora payu

Waktu dibuka sira pada ya geguyu

Zaman akhir ake umat kepitunan

Ora weruh awake lagi kenang cobaan

Alloh sampun dawuhaken surat wal’asri

Ati iman amal ikhlas dikekeri

2.5. Tingkah Sunnah

Siji sangga seket papat telu lima

Wong syahadat lelakone kudu nerima

Zaman akhir sunnah nabi ora digawa

Sing nyekeli luwih panas tenimbang wangwa

Zaman akhir sunnah nabi disengiti

Sing nyengiti ya kejaba umat gusti

Apa maning wong kang nyengiti ning syahadat

Tetep Alloh nurunaken maring rahmat

Yen keliru gusti nabi ya jabahaken umat

Wong kejaba ora keterima gawe toat

Penca-pencu omongane

Ngrapyak nyerocos bicarane

Tapi mati sira bicarane

Kandane bisa langka buktine

Eman temen sira ilmune

Dadi nyasar ngawulane

Urip mati sing pangerane

Tapi nurut maring nafsine

Aduh awak banget kumprung

Ketipu akale dadi bingung

Dadi percuma sira syahadat

Awan lan bengi gawe maksiat

Gusti maringi ning pengaturan

Ayu gawea ing kebagusan

Wajib karone bisa misahe

Urip matine enak genahe

Kanjeng nabi luwih watir

Maring umat kang masih fakir

Ngakune alim beli gelem eling

Ning alloh rosul kang kesanding

Kanjeng nabi ora watir ning umate

Senajan kafir lan mukmin banget blunate

Tapi watir kanjeng nabi ning alime

Emong ibadah bisa nuturi ning cangkeme

Dadi cuma ngaku islam ning lisane

Tapi kafir bukti nyata ning isine

Iku nyata welan pisan wong munafik

Ngaku pinter pengajian masih cetek

Sekhuna mulang wirid Wis sempurna

Ayu batur bareng-bareng nglakunane

Ayu batur aja sampe ketinggalan

Sebab iki bakal teka pengajaran

Ginau syahadat kita kabeh aja mubro

Sebab yakin bakal ana kiamat sugro

Syahadat di waca saban waktu

Bok menawa syaiton teka pada melayu

Ayo –ayo niki  pripun

Enggal teka siksa alloh rupa to’un

Bonggan sira ning syahadat ora parek

Tetap sira mengko buri ana kang nekek

Dulur kabeh syahadate cuwan kelalen

Bonggan kelalen syaiton teka gendayang-gendayang

Ngaji syahadat tutugana sampe umur

Ajar congas kula getun kang saumur

2.2 Latihan misah

Awak kula sela bagus sela maksiat

nuhun ngapunten dosa kula ingkang berat

Bersihana badane ayu diasa

Telung dina sepisan lagia misah

Syarif arifin iku khasan khusen

Syarif hidayat abdurohman kuwu sangkan

Nyembah ning syehk abdulkdir jaelani

Kabeh fitnah dipegot kang ngelarani

Faedahe ati salim banget seneng

Selamet neraka bagen liwat ora kedeleng

Ayu paham torekote syarif arifin

Aja gawa ala sira dhohir batin

Aja pada ngerusak sira maring badan

Awan bengi gawene pada reresan

Urip ning dunya banget kengelan

Sebab sira ora weru ning ganjaran

Asal cilik dadi gede grayangana

Mumpung urip mati tobatana

Aja tungkul sira uripe nyambut gawe

Barang mati deleng amal ora duwe

(malam senin tgl 20 dulqoidah 1375H/1955)

Yen kepengen ilmune syarif arifin

Kudu duwe ati salim dhohir batin

Kelakuane aja tinggal berjamaah

Bagen repot senajana serokaat

Faedahe kita solat berjamaah

Munggahaken derajat dunya akherat

Faedahe ati salim banget seneng

Selamet neraka bagen liwat ora kedeleng

Ayu paham torekote syarif arifin

Aja gawe ala sira dhohir batin

Aja pada ngerusak sira maring badan

Awan bengi gawene rerasan

Urip ning dunia banget kengelan

Sebab sira ora weru ning ganjaran

Asal cilik  dadi gede grayangana

Mumpung urip bakal mati tobatana

Ajar tungkul sira urip nyambut gawe

Barang mati deleng amal ora duwe

Yen kepengen ilmune syarif arifin

Kudu duwe ati salim dohir batin

Yen kepengen sira duwe ati putih

Ngatur sanding pagan sira  ingkang bersih

Ati putih jujur mantep eling Allah

Sandang pangan badan manut Rosullah

Bagus-baguse umat gelem tulung tinulung

Bagus badan anak rabi aja bingung

Dikon eling sungkan sebab tauhid beli jalan

Sebab atine keranjingan masih ngamprak ulat-ulatan

Buka kitab terus takabur ngerasa pinter ngerasa duwur

Goplah temen atine ngangkur tiwas pegel amal lebur

Malu beli sira uripe kenang macet lan rusake

Lara jabane den borok rusak atine ora weru

Eling santri aja tiwas pikire ingkang awas

Aja gelem titipu syetan awan bengi mung mikir pangan

Kanjeng nabi duwe syafa’at ayu eling maca syahadat

Sira  kudu taqwa ingkang bangkit merangi hawa

Allah-Allah ya Allah ya Rosullah

Nuhun selamet dateng gusti ya Rosullah

Nuhun dituduhakan jalan jejak kang bener

Tapi iblis yang riwed-riwed ngeder-ngeder

Nuhun bisa ibadah lan amal ihklas

Dhohir bathin yen ibadah ingkang awas

Sira nandur palawija ning dunyane

Gawe amal ingkang katon terus atine

Awan bengi ibadah langka rajine

Sebab cawis – cawise ning dunya bae

Sebab nyata ora nana cukul niate

Ning agama emong mikir ning dunyane

Gusti nuhun syafa’ate taubat niki

Nuhun dibuka ati kula sampun niki

Ngaku garang yen wis tua kari rapuhe

Kieng pelesir luwih enak tungganana

Aja enak–enak sira ning dunya

Izroil nyabut ning roh banget larane

Dalan pagi esuk sore awan bengi

Bagen omong yen wis waktu kudu pasti

Kesugihan ora nulung ing agamane

Gusti Allah bendu banget ora ridhone

Emong mati campurana bagus niate

Ayu ningal ning adepane ma’rifate

Aja tuli lali budeg duwe kuping

Syirik dengki ilmu ora bakal manjing

Syarif arifin bakal mulang ning ilmune

Zat sifat asma af’al ning wernane

Aja terus obah meneng sekabehe

Yen wis kerasa urip dunya prihatin bae

( Malam Selasa tgl 17 dzulhpjjah 1375 H / 1955 M )

Sapa wonge ninggalaken ning ma’rifat

Ibadah awan bengi dadi berat

Ngaku kerja bisa nerocos bicarane

Tapi dewek ora gelem ngelakonane

Sebab nyata Awake banget bodoh

Wajib haram Sunnah ngatur ora kanggo

Sapa wonge menurut hawa nafsune

Tetep manjing ning neraka panggonane

Iku amal keselametan dunya akhirat

Banget melas ning fakir durung syahadat

Ati iku pengen salim kudu nerima

Mesti amal ya ketemu ya keterima

Dunya akherat gusti Allah paring barokah

Allah paring dunya selamet akherat

Sebab nyata ati putih eling Allah

Jembar atine yakin manut rosulullah

Alamate wong kang olih pangapurane

Ambekane eling maring Allah saben dinane

Ati salim demen hormat kanjeng nabi

Nuhun syafa’at gage tangi lan memuji

Emut gusti kula niki banget bodoh

Nuhun paring akal buka nafsu kendo

Syeikhuna mulang murid banget melase

Tapi muride sing diwulang langka ngenese

Aja enak- enak bakal ana pilihan maning

Sing ana isine bakal kanggo bibit maning

Yen sira ngerti iki jaman-jaman bobadan

Sedelat maning wong matine sedalan-dalan

Alkhasan tsummal khusein maring guru ajar kelalen

Ajar kari barang kang papat Gawe amal bisa manfa’at

Gawe manfa’at sira ilmune sanggup bebunga maring gurune

Bobad sedina iku emase ganjarane mili selawase

( Malam selasa tgl 21 dzulqoidqh 1375 H / 1955 M )

Ayu santri gage tangi guru sanggup makani nyandangi

Gage diatur duwe pikir cangkem ngucap terus dzikir

Yen syukuran keparek karo pangeran

Den ridhoni ibadah oli ganjaran

Lamun ngaji aja kelayang keloyong bae

Dodok jentul tapi ati ngamprak bae

Syarif ‘arifin benderane syahadat loro

Ati den pasang pasrah tawakal maring Allah

Merdekane aja gelem dijajah maning

Aja congsi hawa hafsu ngeranjah maning

Tujuane pengen selamet subur makmur

Awit dunya terus mati sampe qubur

Ayu aman kita urip ning dunyane

Kabe bangsa kabeh makhluk Nangendi anane

Aja ana syirik dengki pagadene

Mulyakaken kabe makhluk ning atine

Sira bisa ngelakoni dadi ‘arifin

Suci ati suci wenang dhohir bathin

Ibadahe wong ‘arifin tikel sewu

Bandingane alim asal ahli yakhu

Apa pengen apa beli sira santri

Yen kepengen ayu dandan aja kari

Alhasan tsummal husein ngaji syahadat ingkang open

Yen open kelawan pikiran saban – saban ning derajate

Ujub riya takabur dengki singkirana

Hasud toma’ ngerusak pangkat dadi hina

Riya hafi ora pengen dipujine

Yen dipoyok dugal mengkel ning atine

Riya jali naja ngamal pengen dialem

Ora dialem gawe amal ora gelem

HABLUMINNAS

3.1. Ulama

Sebab hatinya melupakan lengah bekerja pada urusan

Bisa syahadat cuma ditingkah ngaku islam menjadi lengah

Ulama akhir terbagi dua

Ada ulama yang istimewa

Kerja semangat punya pikiran

Tidak berputus kepada tuhan

Ulama kedua bersemangat

Membina kelawan seluruh umat

Hati terdorong kepada nafsu

Nuju dunya pikiran palsu

Turunane ibu hawa bapa Adam

Gelem netepi peraturan iman islam

Yen gelem islam sira ya sempurna

Aja ngelarani kabeh makhluk ya niyatana

Urip mati pengen dadi umat rosul

Maca syahadat lan sholawat ajar ucul

Mumpung urip luru sangu nggo akherat

Sira duwe amal ikhlas bisa ngangkat

Aran ikhlas eling Allah ning atine

Ora liyan karena Allah tujuane

3.2. Birrul Walidaen

Jaluka pangapura awak sira

Jaluka pangapura wong tua loro kula

Wong tua ngarep – ngarep anak putune

Bareng jum’ah langka pisan kirimane

Nuhun tetep iman islam dunya akherat

Selamet dunya ning qubur lan akherat

Kaya ngenteni pari meretak ning panase

Tempo megar dadi beluk langka isine

Malam jum’ah rohe bebeluk ing wuwungan

Ayu anak eling Allah kang temenan

Cawisana pangan enak anakena

Waktune urip saban dina cawisana

Cawis – cawis amal ikhlas niat ngirim

Ing wong tua kang wis mati kabe muhrim

Wong tua dongakaken anak putune

Mugi eling Allah rosul kelakuane

3.3. Aturan Sholat Mayit barisane

Iki nadhom nutur maring aturane

Sholat mayit gawe ganjil barisane

Lamun wong siji Wis terang ganjile

Lamun wong loro mahrote sikile

Lamun wong telu barisane telu

Lamun wong papat Lima baris telu

Kawit nenem iman ora dipun itung

Ning ganjile baris makmum kang diitung

3.4. Wasiate Sunan Kali jaga

Wasiate gusti Sunan kalijaga

Sira urip ning dunya ana kang jaga

Titip masjid ampel gading fakir miskin

Cuwan kosong ajar bentrok aja priyatin

Urip sira berjama’ah aja kosong

Sholata ning tajug masjid golong – golong

Pitutur dingin syahadat aja tinggal

Cuwan kebujuk iki zaman akeh dajjal

Ayu melas ning fakir kang kurang mangan

Niat mbantu nggo ibadah ning pangeran

Boca santri ibadah sira kurang apik

Buru buru maring dokter jaluk suntik

Lunga ngaji salah sira diperiksane

Gage luruh nyenengaken badan rohane

Yen wis teka sira iku dioperasi

Kabeh penyakit maring guru ya dijeksi

3.5. Ceritane sohabat sa’labah

Aja kaya uripe sohabat sa’labah

Waktu kere ora pet berjama’ah

Ba’da sholat ora wirid terus nyerental

Banget wedi maring waktu bokan tinggal

Siji waktu ketingal ning rosulullah

Abu bakar terus nyandak ning sa’labah

Aduh gusti kula gada sarung senunggal

Yen wiridan rabi kula sholate tinggal

Terus ndongakaken sapa kanjeng nabi

Matur dateng ayunana Allah robbi

Allah jawab bagus kere timbang sugih

Yen wis sugih akeh pisan ning fitnahe

( Malam Senin tgl 7 dzulqoidah 1375 H / 1955 M )

Luwih parah ketimbang uyah lan asine

Ayu njaluk mumpung masih ning dunyane

Ayu nyambat maring nabi para wali

Lan malaikat nuhun diraksa dateng robbi

Masih kurang ngudak – ngudak dunya sira

Ibadahe saban dina lara wora

Sebab nyata awak kula masih bodoh

Ngaji bisa nafsune masih dienggo

Duwe badan ora gelem muji tafakur

Lali atine sebab masih laku takabur

Yen pengen keparek karo pangeran

Aja pet kabeh sunnah lan dzikiran

Kuping kerungu gusti Allah kang ngerungukaken

Mata ningal gusti Allah kang ningalaken

Tangan ngemek gusti Allah kang ngemekaken

Mata ningal gusti Allah kang ningalaken

Tangan ngemek gusti Allah kang ngemekaken

Sikil melaku gusti Allah kang nindakaken

Lamun njaluk gusti Allah ngupai

Ya diraksa urip mati kabeh blai

( Malam selasa tgl 8 dzulqoidah 1375 H / 1955 M )

Bocah santri muji sira ingkang sanget

Wedi ning fitnah supaya selamet

Ingkang asor sira nggandul ning syahadat

Supaya ilmune bisa manfa’at

Maring guru ingkang madep lan tawadu’

Nafsu ala ingkang sombong dadi kendo

Eling Allah aja diselang seling

Poma batur kabeh bae pada eling

PERHATIAN

4.1..Godaan Syeitan

Aja kalah kegodane maring syaiton

Karepe nafsu karo batur pepoyokan

Wong moyok Syeitan narik tukar padu

Yen wis padu ora eling ning asyhadu

Eman – eman wong urip ngaku to’at

Syeitan nipu sampe lalai ning syahadat

Ayu dulur ayu dulur – dulur

Pernyatine iki zaman arep ibur

Zaman ibur kenang godaan syeitan

Emutana wasiat kuna gandulan wathon

Allah Allah kula kabeh nuhun ngandul

Pencanangan tiang agung kholifah rosul

Anak bodoh rabi bodoh kula dosa

Nuhun dateng panjenengan kang kuasa

Sapa wonge maca syahadat sinuhun jati

Bakal ngiring tiang agung imam mahdi

4.2. Dajjal

Dajjal iku matane kari siji

Omongane sunya netepi janji

Batuke dajjal yen diwaca tulisane

La’natullah ‘alal kafirin ing unine

Kuping dajjal ngaubi wong patang puluh

Omonge luwih manis biar ngeluluh

Awas santri aja gelem dadi dajjal

Mata melek ati ora eling ajal

Apa maning arep eling ning pangeran

Picek atine  ora weruh ning ganjaran

Yen ora gelem dajjal ngucapaken

Ing batuke syahadat loro gorokaken

Imam mahdi sampun bukti

Wis ngelahiraken cemara putih

Jubah putih sorban putih alamate

Imam mahdi Allah rosul ma’rifate

Negara makkah tanah kang luwih suci

Ora kejajah dajjal bangete benci

Yata ati panggonane eling Allah

Ati suci aja ngelingi liyane Allah

( Malam selasa tgl 15 rajab 1375 H / 1955 M )

Tonggonana sumure arep dibuka

Bakal akeh wong ngaji pada teka

Zaman patang puluh bengi belajarana

Waktu ngaji sira

Sapa santri pengen melek mata jalane

Gage diajar supaya melek mata atine

Bocah santri kang picek mata atine

Ngaku apik tetep lacut agamane

Sapa wonge maring nabi gelem perentah

Demene nambah maring guru syeikhuna

Demen guru ning pitutur lakune

Amal soleh ngajar badan saban dina

4.3 Dicabute Roh

Aja congsi izroil teka Ira salah

Larane luwih lara waktu naza

Tenimbang dipedang sewu pedangan

Panas perih waktu nazah geragepan

Sangang puluh sanga kabek gelitan

Dicukili saban gelitan jejeritan

Ayu batur dedongane ingkang ikhlas

Waktu nazah eling Allah ingkang ihklas

Wong tua dedongane ingkang ikhlas

Waktu nazah eling Allah ingkang ikhlas

Wong tua arep sapa kang dongakaken

Anak rabine ning dunyane ngelalaikaken

Aduh bayi aduh kacung aja nganggur

Sesek peteng dipukuli jero kubur

Arep sapa ngemani maring kita

Siksa neraka dosane luwih nyata

Wong kang sengitan dadi jarane syetan

Dadi urub – urube neraka luwih welan

Ayu batur gage rubah ning pikiran

Sing Wis – wis ayu tobat ning pangeran

( Malam senin tgl 16 dzulqoidah 1375 H / 1955 M )

Bocah santri ba’da maghrib aja ngantuk

Rongo’na bapa guru lagi muruk

Ambekane kesawah – sawah eling Allah

Ganjarane sira diridhoni Allah

Ayu  sabar  kabeh batur ning dunyane

Aja mandeg gage eling pangerane

Kepengen eling ning Allah periben akale

Ayu manut kabeh badan ning rosulle

4.4. Siksa kubur

Ayu eling Allah rosul tut setitik

Muga – muga bisa ngamal ingkang becik

Elingana batur balik maring kubur

Ula kelabang kalajengking kanggo batur

Di tangekaken saking kubur digiring – giring

Teka ning makhsar bumi selaka ora miring

Serngenge duwure batuk ora salah

Luwih panas sor duwur pating gelasah

Madep landrat banget wedi luwih pusing

Ngitung amal blolih mungkir pugu nyanding

Bloli syafa’at pada kelem pada ngelengi

Kenang keringat banyu mata den gendongi

Luwih musakat werna – werna ning salahe

Ora bisa cepet landrat banget payahe

Terus teka angin rokhmat ning umate

Waktu dunya Allah rosul sesambate

Nuhun rokhmat umat islam ning gustine

Sampun cilaka dateng makhsar nyelametaken

( Malam selasa tgl 8 sa’ban 1375 H / 1955 M )

Aja enak sira memangane, kudu digarap kerjaane

Kerja nane den delengi, kurang apik den glendengi

Apa maning sirane glandang glandung

Yen memangan panganane kudu muncung

Majikan bendu terus nundung

Sira balik  pikire dadi bingung

Yen kepengen apik polahane

Majikan ngatur ning arepane

Majikan ngeluh ning gurine

Tekade masih ngepalanane

( Sabtu tgl 20 sa’ban 1375 H / 1955 M )

Mulyane wong ning dunya ana uripe

Gelem eling ning akherate sekarepe

Tapi sira urip kudu jejagaan

Dunya akherat kang dituju kemulyaan

Sira alim melasana ning wong bodoh

Wong bodone tabaruka wajib nyelondo

Sira sugih ayu melasana ning wong miskin

Wong miskine kudu  eling aja priyatin

Doa-Doa

5.5. Doa Arep Turu lan Tangi

Arep turu aja buru–buru bantal

Tangi turu aja buru–buru nyerantal

Kudu ngatur arep turu arep wiridane

Tangi turu dodok jentul maca takbirane

Ana suarane turune aja kelepasen

Kon tafakur ning pangeran aja bosen

Bumi bunder gambare terbanting guling

Iki zaman wis akhir gagian eling

Esuk – esuk jasmanine jaluk sarapan

Tangi turu rohanine jaluk takbiran

Tangi turu dodok jentul maca syahadat

Eling Allah eling perintah gagian nikah

( Malam Ahad tgl 30 Rajab 1375 H / 1955 M )

Untung temen duwe sumur banyune bening

Bias dibuka lamun Sira pada eling

Sumur iku yen buka nyugihaken

Nyucikaken maring badan nyuburaken

Yen kepengen sira santri kudu ngeneng

Sholat tahajjud waktu bengi ingkang anteng

Jaman patang puluh bengi aja batal

Selamet kubure manjing suarga Sira halal

Ba’da mahgrib yahadi atawa ngaji

Ba’da Isya ajar ngobrol terus muji

Eling Allah kudu ana aturane

Maca donga sedurunge sira turu

Tangi turu maca takbiran nuhun rokhmat

Allah ngeraksa kesusahan dunya akherat

5.2. Doa Tangi lan turu

Wong kang gelem nyuciaken kabeh bathine

Allah janji bagusi kabeh laku badane

Wong kang gelem eling Allah ning atine

Kabeh wong pada melas ning sirane

Wong kang gelem meraktekaken amal akherat

Allah nyukupi ning dunyane ngarat – ngarat

Nyuceni weteng mangan nginum ingkang halal

Aja mangan haram riba dadi batal

Bocah santri yen kepengen suci atine

Ilangana najis lan hadas loro

Syahadat loro iku ana dasarane

Suci putih eling Allah aja robah

5.3. Tunjina

Yen kepengen ilmune Siti khodijah

Ati putih eling Allah aja robah

Nangisi badan gawa dosa saban dina

Awit saiki apalane ning tunjina

Urip mati pengen rasa ning senenge

Ayu dilatih ati salim ning wetenge

Kita urip mikir dunya sampe bengkak

Panas ati sirik pirik dadi bebek

sumber:http://aliusmanhs.wordpress.com/tag/nazom-abah-umar/